كلي عذر يوم خليت سهمك يطيح في القلب = يوم إني منعت عيوني عن غيرك من النظر
كلي عذر يا فلان بهوى ظنيته بك إكتمل = كلي عذر على دمع ٍ نثرته وعلى قصر الفكر
ما أدري هو البخت وياك مايل أو القسمة = او الحظ اللي ساقني في بحورك أو إنه القدر
معذرة يا قلب يوم تركتك تهوى دون طوعي = يوم سلمت لك شعوري لين ذبل فيني القهر
لين صحيت جفوني من حلما كنت أحسبه حقيقة = واقعي مرير والأمر منّه فنون لعب البشر
كلي عذر على عمري على صبري على وقت رحل = على جرح لك رخصته وبك بهجي إنحصر
كلمة أحبك حسايف تقولها لك ضلوعي = وآه حسايف على وقت زاد غصة في الظهر
لا رفيق ولا غريب ولا زمن على همي احتمل = ولا ساعة فرح تقدر تعيد ماراح من عمر
قلت احبه وصابرة انا على نار جمره = قلت ويا ليت حبك كان صدفة في رحلة سفر
وياليتك في عالمي ماظهرت ولابك تولعت = وليت الوقت وياك ماجمعني وبدونك ليته عبر
أسرج حروف من دمي لغل في ثنايا الروح تكوّى = وأصبر وأدري انّه في صبري ما احتمل بشر
أصبر لين اللة بفرج من عنده به يقويني = وش يفيد الصبر مادام صبري رحل من دهر
علموني وش يفيد الندم يا صحبتي وربعي = من بعد وقت ضيعته لعب على جروح الوتر
ومن بعد ليالي قضيتها بالتوجد والنوح والتمني = علموني وشلون العيون تغفى وكيف امحي السهر
ما ذبحني في دنيتي سوى طيبة القلب ورقته = وصمت دافي وسط الضماير اندثر
وحبٍ نسجته من خيوط وهم شمس المغيب = وعذاب وعلقم خفي في صفحات الصدر