هلا و الله .....شحالكم يا اعضائنا الحلوين المهم ما رح اطول عليكم .......بصراحة هذا اول موضوع اسويه و ان شاء الله ينال اعجابكم .....؟
المكتوب مبين من عنوانه ....
هذي هي قصة بنت تطالع واحد بعين قوية ...المهم الرجال طلع شاعر و ما قصر فيها كم بيت عشان تتادب ...بس شوفوا شو صار ........
الشاعر يقول ....
كل شبر بهالوسعيه ملك ربي تعلمين ** واعلم انه اللي خلقني خلق هالعيون
لكن انتي من جلستي و انتي فيني تحدقين ** كان ما به ناس بالكراسي يجلسون
لو سمحتي عاد اسمعي و حتى لو ما تسمحين **المهم اللي بقوله تسمعينه و يسمعون
ع الاقل ليا نظرك سوي روحك تستحين **غضي طرفك مثل غيرك خوف ربعي يلمحون
الركادة عاد زينه و الحياء في البنت زين**و فيك لازم الركاده والحياء يذكرون
تعرفيني ؟!اعرفك؟!ما اذكر انا ملتقين **لا اعرفك من تكوني و لا تعرفي من اكون
و اطمأني ان كان قصدك فيني تشبهين **ما هو انا اللي تعرفينه و البشر يتشابهون
ما دريتي من التشابه يخلق الله اربعين**و اعرف اربع يشبهنك بس و الله يستحون
و ان كان قصدك شي ثاني عاد قولي وش تبين **خايف انا نصير فرجة و اللي ما شروا يتفرجون
و اذا ببالك عاجبتني لا يحوشك تحلمين **صح ربعي من جمالك فيك صار يمدحون
بس وش لي في حلاتك دام فيها ترخصين **حشمة البنت و حياها للكرامة يلفتون
و لو توفر فيك هذا مع حلاتك تبشرين ** ما هو انا الف غيري باب بيتك يطرقون
وش علامك رغم كل ما اقوله تسكتين**مو طبيعي هالسكوت و هالبرود و هالسكون
انتي خرسا اسالك ولا منتي تسمعين ؟!**قالوا ربعي ذي كفيفة قلت لالا تمزحون
لين شفتك يوم رحتي يوم رحتي يمسكونك باليدين **ما دريت الا عيوني اربع اربع يذرفون
آه ياني منه مشهد يوم شفتك ترحلين **جيت اشوف عيون ربعي لقيت الكل يدمعون
قلت سنة هالحياة و حن ترانا مؤمنين **و الله يلي مسيّرنا بين بين كاف و بين نون
و كل ابونا يختلف مع اننا من اصل طين **سبحان يلي مصورنا و لله في خلقه شؤون
يعني حنا كل ابونا عاد اسمنا بنادمين **و ليا قضى امر و قال له كن فيكون
فينا يلي رازقة خير رب العالمين **و فينا يلي هو لعطفه بحاجة القلب الحنون
و فينا يلي من شكى من علة كاللآخرين **صم و بكم و عمي فهم لا يفقهون
بس قليل عاد فينا للنعم هم شاكرين **و الله يرزق هالخلايق من حيث هم لا يعلمون
تدرين عاد يا الكفيفة حنا ترانا متشابهين **و اذا ما انعمت ابصارنا قلوبنا هم اللي يعتمون
يا الكفيفة يا العفيفة ان قلت آآآآآسف تقبلين ؟!**يغفر الله ذنوب عبده ليا خطا و هل تغفرون ؟؟؟!
اتريا ردودكم ........هههه
الإهداءات
قصة بنت كانت تطالع واحد بعين قوية .......
العرض العادي
