يجب الا تقرا هذا الجزء قبل الجزء الاول الموجود الان بقسم الوناسة ايضا
تلطمت مسكت عصا المكنسه وبديت في قراية البيان /
((بسم الله الرحمن الرحيم
انني انا عزوز وبكامل قواي العقليه اتعهد بقطع أذن هالبزر إذا ماسحبوا ابوه واعمامه اهلهم من بيتنا وخلال 24 ساعه ،،، وسأصدر قريباً بينا الحاقي ان ماانسحبوا وظفوا وجييهم ))
وأخذت الشريط وحطيته عند باب الغرفه وكتبت على الشريط (( فلم لسميره توفيق مهوب مقطع )) ،،، وفعلاً اكلوا عماني الطعم وشغلوا الفلم ،، ولكنهم انصدموا ان احد فلذات اكبادهم مخطوف وكان تاثير الشريط عليهم مثل تأثير شريط الفلبيني على رئيستهم جلوريا (( اسمها رهيب )) ،، وسحبوا قواتهم اقصد عيالهم بعد التهديد بربع ساعه وهذا ان دل على على اننا بعصر السرعه .
وفي الصباح الباكر كان ابوي على راسي يستعد للقصف لولا الله ثم امي كان انا في عداد المفقودين ،،،، وقال ابوي / الحين امك مهيب نافعتك ،، وحتى لو انحاشوا عمانك مافيه سفر لو تنهبل ،،،، وبعد جهود ومناوشات بين ابو والوسيطه امي (( صار خليفه المطيري مهوب امي )) وافق ابوي بالقوه بعد ان اقنعناه ان بزران عماني لو جلسوا كان اعدموا البيت وبيخسر عليه اكثر من خسارته على رحلتنا ... وانا بعد قلت لها ان ماسافرنا بتعطيني 459 وبصراحه ذليت العالم بالـ 459 كنها مية مليون ،،،، وباقي النقطه الاهم وهي ان ابوي مايبي يروح لديره فيها عرب ابد ،،، وقدمنا له عدة خيارات او اوبشنز وتراي كاتبها كذا عشان اقولكم انا اللي بترجم في الرحله ،،، قلنا له نروح لمدغشقر قال لا مانبيها اخاف فيها اكلة لحوم بشر ،، ولو ياابوي شكلك تشوف افلام كثيره ،،، قلنا له نروح لباكو عاصمة اوزباكستان قال لا توهم هازمين منتخبنا مانبي نكسبهم ،، قلنا له نروح لروسياء البيضاء قال لا اخاف ماالقى احد هناك يعرف يلعب بلوت ،،، قلنا له نروح لطوكيو ،، فكر وفكر وفكر ثم قال / والله طوكيو مهيب شينه ويمكن احصل لي ددسن نظيف وسعره رخيص
وفعلاً ضبطنا جوازاتنا وبنطلع لمكتب الحجز نحجز على اول طياره مثل المصريين وامي تقول احجزوا على الباص ارخص ،،، بس صرفتها وقلت لها طريق الرياض طوكيو مهوب زين وكله بعارين ...
بعد الحجز بكم يوم كنا في الطائره المقله الى طوكيو انا وامي وابوي واخواني الا زاحف مااخذناه لأنه مايعرف يتكلم عربي تبونه يتكلم ياباني ؟؟
وصلنا لطوكيو بعد رحله مدري كم ساعه وكان في استقبالنا مندوب من الشركه اللي حجزنا عن طريقها وكان يتكلم ياباني بطلاقه احس انه قد درس في معهد الاداره ،، اخذنا الرجال وراح بنا للفندق وواعدنا يمرنا بالليل عشان يمشينا على الديره ويورينا كل شي فيها ،،، وفعلاً في الثامنه مساء بتوقيت طوكيو الرابعه فجراً بتوقيت الرياض كنا نتمشى بشوارع طوكيو وامي تكلم خالتي في الرياض وخالتي نايمه مسيكينه ،، عاد امي تقولها / وش فيتس يا حصه احد ينام من المغرب ؟؟
والله ياامي تسمع بمراعاة فارق التوقيت ههههههههههههههههههههه
وبعد ماتمشينا رجعنا للفندق وبصراحه شفت اشياء كثيره وغريبه واكثر شي غريب شفته ان مهوب كل شي عندهم للعوايل ،،،، رجعنا للفندق وشغلنا التلفزيون وحطه ابوي على اخبارنا حقت تسع ونص عشان الساعه تسع ونص في طوكيو مايدري ان ربعنا بيداومون الحين ،،، ويوم انه ماحصل اخبار رقد يقول احسن من هالقنوات اللي كل مذيعينها يتشابهوون .
وفي الصباح الباكر مرنا السواق بس اهلي قالوا بنطلع العصر نتسوق او نسوي شوبينق على قولة ..... والا بس ماراح اكمل ،،، طلعت انا مع السواق وقعدت اسولف معه ويقول انه في طوكيو من 10 سنوات وعرف كل شي عن اليابان بشكل عام ،،، وعلمته اني اعرف عن اليابان مثله وان عندي في البيت بلاستيشن ،،، وقلت له / على طاري البلايستيشن يااخوي هاليابانيين وشلون يعرفون يصنعون كل شي؟
ان ركبت موتر لقيته ياباني وان لعبت لعبة كمبيوتر حصلتها يابانيه وان ولعت لمبه لقيتها يابانيه ،، يااخي مايتعبون ؟؟ ،،، التفت علي وقال لي / اللي يجيكم اشياء تافهه بالنسبه للي هنا ،، والحين بروح بك لواحد ياباني اعرفه احسن مخترع في اليابان وبتشوف وش يصنع ،، وراح بي لبيته اللي مدري وش يبي وكان باني فوق شجره من كثر ماهو مخترع (( سنجاب موب آدمي )) ،، دخلت عليه وسلمت عليه وحبيت راسه عشانه شايب ،، وقعد خويي السواق يقول له اني مبهور من اختراعاتهم وصناعاتهم ،، ضحك الياباني ضحكة عالم والتفت على السواق وقاله / هذي اشياء تافه ،، انا اليوم بس خلصت من جهاز أسمه (( آلة الزمن )) وهالجهاز ينقلك للزمن اللي تبي سواء في الماضي او المستقبل ،،، ترجم لي خويي وانا صار وجهي كذا ،،، وقلت له طيب ليه مايجربها الحين ؟؟ وقال ان العالم يقول يبي متطوع يجربها عشان لو صار مشكله هو يرجعه من هنا لأن محد يعرف يستخدم الآله الا هو ،،، والتفتوا علي اثنينهم وابتساما ابتسامه خبيثه ،، وقبل ينتظرون ردة فعلي شقلوني ونطلوني في الآله كني خروف يوم العيد ،، وفكرت شوي وقلت دامها خربانه خربانه خلوني اشوف وش اسوي ،، وبغيت اصيح واقول ليتني بالرياض ،، والله يا بثارة ولد عمي احسن من هالآله ،،،، ويوم التفتت الا فيه ارقام م وتورايخ واسمع السواق الملعون يقول اختر الديره اللي تبيها والتاريخ اللي تبيه وبعد ساعه ترجع هنا ،،،، قلبت في الاماكن ولقيت الرياض ،، حطيته على الرياض وحطيت التاريخ عام 2500 ميلادي ،،،، وماهي الا بضع ثواني الا وانا في الرياض بعد 500 سنه ...
دخلت الرياض مبهور واول مانزلت حصلت ليموزين صادم في طريق الملك فهد ومسبب زحمه ،،،، وبصراحه الرياض مهيب اللي اخبرها ،، ضيعت وماكنت ماادري ويني فيه ،،، رحت الحارتنا قلت يمكن احصل التسالي اللي اتسلف منه اول خصوصاً اني جايع طالع ماافطرت ،، ولكني حصلت اشياء غريبه ،،، حصلت قطارات متعلقه وطائرات خاصه صغيره كأنها سيارات والزحمه تملأ سماء الرياض وحصلت سيارات غريبه بدون سواق بس فيه بنت راكبه ورا ومعاها ريموت : ،، وحصلت عيادات في الاطباء رجال آليين ودخلت بقاله وحصلت جريده الكترونيه وفتحت صفحة الرياضه بالضغط على احد الارقام ولقيت تصريح لأحد رؤساء الأنديه يقول فيه (( هذا الموسم ستنتهي الـ 510 سنوات بدون بطولات ،، وابوزنده هلالي )) وحصلت اشياء كثيره جداً ماكنت اتوقع اشوفها بالدنيا كلها اجل وشلون بالرياض ؟؟؟
ياعالم وش في الرياض والدنيا كلها تغيرت ؟؟
طالعت ساعتي لقيت باقي نصف ساعه ويرجعني الياباني ولازم استغلها ،،، رحت لحاره كنت اخبرها شعبيه حصلتها متطوره جداً حتى بزرانها يرجمون القطاوه بحصى يتحكمون فيه من بعد ،،،، ووقفت عند مبنى مكتوب عليه (( شركة الاتصالات السعوديه )) قلت ياولد فرصه اطلع لي جوال ولا منة ابوي ،،، دخلت عليهم والشغل مهوب اللي انتوا خابرين الا صايرين ياخذون بصمة الأصبع ويطلعون لك جوال عن طريقها ،،، ولما أخذوا بصمة أصبعي التفت علي الموظف وكان لابس شماغ الكتروني وقال لي /
للأسف مانقدر نطلع لك جوال ؟
قلت له ليش ؟ /
قال لي / جدك الثاني والعشرين واللي كان عايش عام 2005 عليه فاتوره بـ 459 ريال سددها وابشر بالخير ..
طلعوا اردا من ابوي هههههههههههههههههههههههههههههه
بس كويس ماحسبوا رسوم من ذيك الايام
وطلعت من الاتصالات بعد ماعرفت ان مافيه امل يتغيرون ,, وعلى فكره سألت لقيت النت بفلوس يعني لا تأملون خير
توي باخذ لفه الا وترن الساعه اللي لبستها قبل ادخل آلة الزمن ومكتوب فيها ان ماباقي الا دقيقتين ،،،، جلست هالدقيقتين اتفرج على الشوارع والسيارات وباص مدرسة البنات الى الحين مظلل ولا كنه مظلل
وبعد دقيقتين رجعت تلقائياً لطوكيو وتحديداً عند المخترع المنسم ،،، ونطلت ساعته بوجهه وسحبت السواق وقلت له ودني لاهلي ،،، ورحت للفندق وقلت لابوي ان الديره فيها عصابات لخطف الاثرياء من العرب وانت من اثرياء العرب يعني خلنا ننحاش للرياض (( ثري عربي ماسدد جوالي )) ،،، صدق ابوي انه ثري وحجزنا ورجعنا للرياض على طول ،، وجلس ابوي يلومني ويقول انت اللي ناصحنا بطوكيو واخترتها لا تمشينا ولا دورتي لي ددسن ... قلت له يارجال خلاص مانتعودها ونروح لطوكيو نبي نسافر لديرة ثانيه ،،، قال ابوي طيب لا تروح بي لهالديره المشبوهه ،، وتراي عند كلمتي ابي ديره في الصيف مافيها ولا سعودي واحد حتى لو كانت اغلى ديره في العالم وبتصرف فيها الي بتصرفه في طوكيو عشرين مره ،،، قلت له معزم تبي هالديره اللي مافيها ولا سعودي بالصيف وغاليه مره ؟؟
قال / اكيد ...
قلت له / اجل خلنا نروح لأبها
الفايده من الموضوع /
طوكيو ارخص من ابها
الإهداءات
عزوز ورحلة الرياض _ طوكيو _ أبها ذهاب وعوده الجزء الثاني ..................
