غاب ساهر الليل واختفى نور الصباح = وانتهى العالم في عيني من بعد جفاك
غرقت جفوني في بحر النوح والصياح = وبعضي على بعضي مختلف بامر هواك
سهر وطعون ثايرة في الجسم ورماح = بعضي يقول وش تبي من قلب سلاك
وش اللي تريده من هوى كله نزيف وجراح = هويت قلب ما همه وش اللي بلاك
أشيل همي على كفي وهمي للبشر فياح = ودرب الهوى لامشيه ولو جمر الهلاك
هواه في وريدي يجري ومع كل هبة رياح = ومع الوقت يزاد لك وجدي من غلاك
عفت بعدك المغنى ولبس ثوب الافراح = عفت شرب الصبر امرار ولا كفاك
عقب فرقاك تعذر علي الهنا ولاني بمرتاح = والوله لك تغلى وعن قلبي ما خفاك
يا حبي الوحيد قلي وش هو المباح = وش الحيلة اللي اوصل بها لرضاك
وأقصر النوى بين قلوب عافت النياح = واروي قلبي الفرح لا سمعت طرياك
ويكمل الفرح عندي لاجيت تقلي السماح = على ايام خلت دون شوفتك يا ملاك
ودرب الهوى نمشيه بليا رمح وسلاح = لن الهوى ما يحتاج الإ الوفى منك ومن ذاك