أسعد الله أوقاتكم بكل خير
قصيده موجهه للأخ الشاعر/ مشعل الشوق
يامشعل الشوق ماهي بالتصنّاعي=الوقت لو زان ماغير لنا طبوعه
تكتب جزيل المعاني حس وإبداعي=وتملك قلم يمشن القيفان في طوعه
إسمك بليل السوالف نور وإشعاعي=وقصايدك تشبع الذويق عن جوعه
لو نختلف مايجي من بيننا وداعي=مايفسد الود رأيِ مختلف نوعه
الفايده لك ولي وللقارئ الساعي=خلف النقاش المفيد وضاوي شموعه
ماجيت ناقد ولاجيتك بلا داعي=جيتك محبِ وكسب الود مشروعه
شاعر وشعري إذا أشّر له إصباعي=يستسلم لرغبتي ويعلن لي خضوعه
وآخر كلامي تحيّه قالها الدّاعي=يامشعل الشوق تكفخ لك من ضلوعه
ودمتم سالمين
الإهداءات
يامشعل الشوق ماهي بالتصنّاعي
