مشعل الشوق

مسائكم شعـر



نحاول ان نحكي شعور الناس ونحس بمشاعرهم

وهذه القصيده احدى قصائدي التي تحكي شعور

طفل زادت الدنيا عليه بحمولها وهمومها



عسى مزن السحاب اللي هماليله سنينً طال
ــــــــــــــــ برد / نزله على جسمً حظنه القبر بـ ترابه

عسى همالها ، يحيي نبات القبر لامن سال
ــــــــــــــ وينبت فوقه انواع الورود وكل ماجابه

الا ياقبر ماعرفك ولالي بالسؤال سؤال
ـــــــــــــــ وسوالً مـالقى حله عسى نلقاله اجابه

الا ياقبر انا بسأل ، وش الي بداخلك منزال
ـــــــــــــــ وش الي تحظنه وسطـك وكل الناس تحيابه

الا ياقبر ، لو تدري عن الي داخلك لازال
ـــــــــــــــ عيون الناس من دمً بكت في لحظة غيابه

وانا والله ماعرفه ولكن قد بكيت ليال
ـــــــــــــــ كثر ماسمع عن افعاله ، لقيت الناس تزهابه

عشقته ياقبر سبة حبيبً صارلي مدهال
ــــــــــــــــ اشوف الكون في عينه ولاحسب غير بحسابه

ابحكي قصته وادري حياته كاسراب الأل
ــــــــــــــــ غريبه ؟ ياقبر ادري سنين الهم تشقــابه


الا ياقبر لو يدري وش الي في غيابه مال
ـــــــــــــــ بكت عين اليتيم الي بكى من لوعة اقرابـــــه

بكت عين العظيم الي تحمل حمل ماينشال
ــــــــــــــــ بكى من حر ماشافه وقتً كشُر انيـــــابه

بكت عين الكبير الي على متنه حمول جبال
ـــــــــــــــــ بكت عينه من اهوال الزمن والناس كذابه

الا ياقبر انا ابشكي عليك الي عجز ينقال
ــــــــــــــــ بصوت الشعر انا اترجم شعور الناس وادرابه

ابيك توصل احساسي لامً طاهره بجلال
ـــــــــــــــــ بصورة طفل ما اتنهى بحظن الام واحبابه

على هيئة طفل يحبي ؟ يصيح ولالتفت له بال
ــــــــــــــــ ابي امه من تشوفه تضمه حيل منصابـــه

الا ياقبر عن اذنك نبي أمه تشوف الحال
ـــــــــــــــ بدت تنهار باسباب السنين العجف واسبابه


ياطفلي روح واتكلم عطيتك بالحروف مجال
ــــــــــــــــ ترى مافيه غير امك وقبرً مظلمً بابه

تكلم قول عن حظنٍ فقدته والسنين طوال
ـــــــــــــــ تكلم قول عن اسمً تعب قلبك من كتابه


تكلم قول وش صابك عسى حزن الليالي يحال
ـــــــــــــــ عسى ظلم الزمن يتلا شعاع النور باركابه


مشعـل الشوق

__________________

نـــal7rfـــديـم الــحــndeemــرف

تكلم قول وش صابك عسى حزن الليالي يحال
ـــــــــــــــ عسى ظلم الزمن يتلا شعاع النور باركابه




أخوي مشعل

صح لسانك وعلا شانك

قصيده شامخه كالجبال أبدعت في صياغتها



شكرآ لقلمك على هذا الجمال





تحياتي

__________________

ولـد عبــاد

__________________

سجّة فكر

__________________

مشعل الشوق

نديم الحرف




مـرورك العذب يضيف للقصيده الكثير


اشكرك على التواجد المشرف !


ولك


تراتيل الغلا


..

__________________

احلام التميمي

صح لسانك يامشعل الشوق

كل بيت احلى من الثاني

قصيدتك مؤثــــــــــــــرة

ابدعت في تصويرك للابيات الحزينه

اعجبتن وعندي هذا احسن قصيدة قريته بهذا القسم

يعطيك العافية اخوي

بانتظار جديدك

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]