مدخل /
اول شي أحب أعتذر عن تأخر او انقطاع مجلة ماحولك أحد بسبب عطل في مكينة الطباعه ،، ويوم اني اتصلت على الوكاله قالوا لي بنجيب لك قطع الغيار بس انت وين ساكن ؟؟ قلت لهم انا ساكن بالرياض قالوا اجل اصبر اسبوعين نجيب لك القطعه من جده ،،، قلت لهم طيب لو اني ساكن بجده قالوا كان بنقولك اصبر اسبوعين نجيب القطعه من الرياض
وهذا شغل محلات قطع غيار السيارات مدري ليه يستغفلونا !!!
وعموماً كل ما تتأخر القطعه فترا هالشي من صالح الجمهور
رايح فيها باجبير
خاطره /
كنت متسنجراً ...
فأتتني إضافه فقبلتها ....
كانت فتاة رائعة الجمال (( كني شايفها ))
سولفت معها وسولفت معي ....
اسلوبها رقيق كالفراشه ...
عرضت علي ان اسمع صوتها فوافقت على مضض (( على مضض يعني بحماس )) ...
قالت ولكن يمنعني شيء واحد ...
فقلت سأزيل الموانع بيني وبينكي ...
قالت جوالي فاضي شحنه ...
ارسلت لها بطاقة سواء غير آسف ....
واكتشفت انه سمير ابن الجيران يسحبني ...
رايح فيها عزوز يوم ان سمير ولد الجيران يسحبه على وجهه
عزوز رئيس التحرير
المشاكل العاطفيه /
تجيب على مشاكل هذه الصفحه الدكتوره اوووف سلامه استشارية الامراض اللي مالها داعي ...
د. اوووف سلامه
1@ مساء الخير دكتوره اوووف ....
اسمي خلود وانا فتاة جميله وعلى خلق (( اول مره اشوف بنت على خلق موب على الارض )) ولكن لدي مشكله تقلقني وتشغلني في نفسي ،،، ومشكلتي هي اني إذا دخلت التشات او المسنجر اكون صادقه مع الشخص او الشخصه (( اما الشخصه )) الذين اتحدث معهم لدرجة اني ادخل بإسمي وهو خلود ،،، ولكن الكثير من الفتيات يظنون ان اسمي خالد وادلع نفسي بخلّود (( بتشديد اللام )) وتلك هي المشكله ،،، انا بنت يا دكتوره اوووف ولكن زميلاتي بالنت يقولون انك تسحبينا وانا اوريدو حلاً
المعذبه / خلود من تشات 77
الدكتوره اوووف / شوفي يا حبيبتي مالك الا حل واحد ،،، يا تغيرين يوزرك بتشات 77 او تغيرين اسمك في الاحوال ،، لأني انا بنفسي مش مسدئه انك خلود يمكن انتي خالد وبتحتكي فيني لأني حلوه (( من شاف صورتها ماحصّل خير )) ،، شوفيني مسلاً اسمي اووووف ومرتاحه ،، وحتى لو كان اسمي مبهم لازم اوضح بتوقيعي اني بنت واللي يعتقد اني ولد بسجنه في قونتنامو (( توقيع اووووف يوم انها جديده ))
الف شكر يا حلوه على ثقتك فيني ولا ترسلين لي مره ثانيه رسايل مالها سنع .
3@ أسعد الله صباحك يا دكتوره بنت سلامه ......
أنا شاب طموح واسمي عمر ... وبصراحه الطماحه كلها فيني فأنا ادرس ليلي ومعي ونيت اكد به اذا كنت فاضي وشاب وسيم ومقبول شكلياً (( اما مقبول والله لو انها مدرسه )) ... مشكلتي انني خطبت فتاة على بالي مهيب راعية نت ولكن توقعي ماكان في محله ،، فقد سألتها ان كانت تعرف نت وقال وشو النت نوع من انواع الكيك ؟؟
وصارت تستغفلني الخبيثه وتسحبني ،،، فقد أخبرتها اني اكتب في الاقلاع وان يوزري فلان وصارت هي من عضوات الاقلاع واصبحت تركز على مواضيعي وردودي واكتشفت في الاخير ان ثلاثة ارباع مواضيعي في الماصله والربع الباقي قالبينه الشباب تشات ... فكانت ردة فعلها انها قالت ماابي اتزوج ماصل
مالحل ايتها الدكتوره ؟؟
هل اتركها ؟؟
وان تركتها فهل بترجع لي الـ 25 ريال اللي تسلفتها مني وشرت بها اشتراك نسمه ؟؟
ارجو ان لايكون مصير رسالتي سلة المحذوفات (( والله ياالنت لاعب به هههههههههههههههه ))
المرسل / عمر من كندا
الدكتوره اوووف / اما عمر من كندا وتكد بونيت فهذي اتركها على جنب وخلنا نناقش مشكلتك مع خطيبتك احسن ... وبصراحه يا عمر من كندا (( تحسب من كندا اسم ابوه )) انا كنت ولا زلت اكتب في الاقلاع واستشاريه اد الدنيا ومااطيق الماصلين وانا مااعرفهم فما بالك يصير الماصل خطيبي ؟؟
شوف لك حل ياابني يا تترك عنك المصاله او تترك بنت الناس ،، وفيه حل تاني انك تتعرف على مشرف وتقوله ينقل لك موضوع او موضوعين للمميزه حتى تتملك بس وبعدها شف شغلك في البنت
ارجو اني اكون افدتك وافدت غيرك في إجاباتي وربنا يوفئكم .
الدكتوره / اوووف سلامه
مقابله مع فتاة الغلاف /
أدار دفة الحوار / حافيـــــة القدميـــن
مساء الخير حضرات المشاهدين (( اما مجله ومشاهدين ،، هذي تالية اللي يعين محرره بواسطه ))
ضيفتنا اليوم او فتاة غلاف مجلتنا شخصيه تختلف عن الجميع ....
تختلف في أسلوبها ...
تختلف في طريقة إشرافها ...
تختلف حتى في حذف المواضيع للماصله ...
ضيفتنا جيهان بنت صعفق مشرفة قهوة الاقلاع .....
حافية القدمين / مساء الخير استاذه جيهان ،،، وياليت قبل كل شي نعرف بطاقتك الشخصيه ؟؟
جيهان / مساء الخير لجميع قراء مجلة ماحولك أحد ولك انتي يا حافية ولباجبير ولاووووف سلامه وللجميع ،، وبعدين وش بطاقته اللي تبين ... انتي بتسوين معي مقابله والا بتقدمين لي على تليفون ؟؟
عموماً اسمي جيهان بنت صعفق واسمي الحركي جه جه .. فتاة عزباء (( غير متزوجه للي ثقافتهم ضحله )) سمراء اللون على شوي احمر ,,, عمري لك عليه ومشرفة في قهوة الاقلاع .
حافية القدمين / وش رايكم نبدا باتصالات المشاهدين (( قايلكم متوظفه في المجله بواسطه ههههههههههههههههههههه )) ... قبل كل شي عندي سؤال وياليت تبدين معانا بصراحه والا من الحين اقضبي نعولك وتوكلي على الله .... سؤالي هو من تتوقعين الكسبان من صفقة تعيين جيهان مشرفه على القهوه هل هي جيهان ام القهوه نفسها ؟؟؟
جيهان / شوفي يا اوختي (( اوختي لزوم الثقافه )) .. قهوة الاقلاع كان يديرها هايم وزمن وكانت تمشي على مايرام وماخربها الا المنسدح ورايح فيها (( مايخالف مقبوله )) ... ولما عينوني مشرفه على القهوه كان القصد اني اضيف افكار جديده ... وفعلاً هذا اللي حاصل الحين ،،،، وبعدين مالهم منه ... يعني بالعربي هم الكسبانين والا احد يحصل مشرف هالايام عنده DVD ؟؟
يعني في الأخير هم محظوظين بتعييني مشرفه في القهوه وانتوا ومجلتكم محظوظين باستضافتي لأن عندي DVD .
حافية القدمين / يصير خير يا انغام .... سؤالي الثاني يا استاذتي هو كيف تحاولين التأقلم في قهوة الاقلاع بالرغم من انك بنت والمشرفين الباقين شباب ؟؟؟
جيهان / بالنسبه لهذي المشكله فأكيد انه محلوله ،، وانا كنت ناويه اداوم بنقاب بحكم اني انا وهايم وزمن نداوم بمكتب واحد ،،، لكن المشكله اللي شايله همها إذا عينوني مراقب عام مع حنش وباقي المراقبين كيف اكشخ قدام الممرور ؟؟
حافية القدمين / لو تكشخين الى بكره محد ملتفت لك .... سؤالي التالي كان قد نمى الى علمي ان رايح فيها عنده لك ردود ومواضيع قديمه قد تدمر تاريخك كمشرفه ،،، فكيف تردين عليه ؟؟
جيهان / رايح فيها هذا شخص ابتزازي بصراحه ،، وكان يقولي سلفيني 25 اعطيها المنسدح لأنه يطلبني والا بنشر غسيلك ... وبصراحه عرفت ان الوضع رشوه يعني لذلك ماالتفتت لتهديده ،،، وفعلاً بدا في نشر الغسيل وهذي اللي امامكم عينه وعلى قولته ماخفي كان اعظم
حافية القدمين / لكن واضح من ردك او صورة ردك انه قديم وتاريخه 10/10/ 2001 وبعدها تركتي الاقلاع ورجعتي ،، وين كنتي في الفتره هذي ؟؟
جيهان /وش دخلك وين كنت ؟؟ (( تسمع بالإجابه الدبلوماسيه ههههههههههههههههههههههه )) .
حافية القدمين / كلمه أخيره تحبين تقولينها ؟؟
جيهان / أحب أقول ان الـ DVD للبيع واللي عنده سومه طيبه يرسل لي على الخاص .
حافية القدمين / الف شكر استاذه جيهان ،،،، وصفقيني ان قابلك احد بعد هالمقابله
أخبـــار المجتمـــع /
# عاد إلى أرض الوطن المواطن ظلال الصيف بعد ان خلصت اجازته ،، ويوم قالوا له ليه رايح الحين مارحت مع العالم بالصيف ؟؟ قال الحين ارخص .
الف مبروك والحمد لله على السلامه .
# رزقت المواطنه هواويه بمولودتها البكر واللتي قالت اني بتسميها جيهان (( والله واللتي قالت ذي مدري وشلون طلعت )) ،، ويوم انهم قالوا لها ليه سميتيها جيهان قالت عشاني ادور DVD رخيص
الف مبروك المولوده والدي في دي .
# قام المواطن فتى السبله بزياره أخويه للمنتدى العام ،،، ويوم انهم سألوه عن سبب الزياره قال نشيك على المكان وكان الاجار ارخص رحت للعام وتركت القهوه ...
الف مبروك الارخص <<< كيف الحال ؟
# تتجه النيه إلى إقامة محل فول وتميس قبل مدخل قهوة الاقلاع بـ 300 متر ،،، ولما سألنا رجل الأعمال وصاحب المشروع عقد وسوار عن سبب إقامة المشروع قال شوفة عينكم العالم على هالنت كل وقت وماياكلون ببيوتهم قلنا نتكسب من وراهم ...
بالتوفيق .
# يقام في القريب العاجل مهرجان اعتزال للاعب الكبير مهــأجر ولكن لن يعتزل كله ولكن الاعتزال لجزء منه ،،، يعني بيشيل الهمزه ويصير (( مهاجر )) ...
الف مبروك وانتمنى ان تبتعد عن الاصابات .
# يقوم مدير الاحوال الاقلاعيه مشعل بتغيير احد اليوزرات قريباً وهو يوزر (( ازحف تنحف يبابا )) ويوم انهم قالوا له ليه بتغيره قال اني إذا جيت ارد عليه اجلس اكتب يوزره نصف ساعه وهالشي ماينفعني خصوصاً وانا دايل اب ...
الف مبروك وسو اللي تبي مانقول شي .
رأسين في الحلال /
كوبون رقم 4498 / أسمي طرش بحر ،، شاب رومانسي واقدر الحياة الزوجيه ومعي جوال باندا ،،، اتمنى ان اتزوج فتاة طويله شقراء وعلى خلق ومُدرسه بالرياض وهذا اهم شرط .
كوبون رقم 4499 / أسمي عسووووله فتاة جميله و... والا تدرون بطقها في وجيهكم فتاة مهيب جميله بس مشرفه في الاقلاع واقدر الحياة الزوجيه ،، اتمنى الزواج من شاب طويل عريض (( ارض مهوب شاب )) اخلاق عاليه وعنده دي في دي مافاز به في مسابقه يعني انس يا المنسدح
كوبون رقم 5000 / اسمي خليك بالشارع مصري ساكن واشتغل (( بالخليق )) ،،، اتمنى اتزوج خليقيه على خلق ودين وابوها كبير في السن وعنده فلوس وبيموت قريب عشان زوجتي تورث
كوبون رقم 5001 / اسمي واضح .. شاب وسيم على خلق وجميل جداً حتى ان امي مهيب مصدقه الى الحين اني ولدها تقول امك نرويجيه ،،،، اعيش في النرويج عشان مااكسر كلمة امي واتمنى اتزوج اي وحد شينه عشان احسن لها النسل (( تزوج عسوووله اجل )) .
عســـاك ســــالم /
مثل ماتعودنا نختم المجله بخاطرة عساك سالم وبعدين صفحة الغلاف عليها دعاية مارلبورو احمر ،، واليوم بيكتب عساك سالم الكاتب المبدع من أجل صندوق /
بحثت عنها ....
اخذت ادور في المكان ذاته ....
لا أعتقد انها لن تأتي لأن بيني وبينها موعد ...
التفتت ميمنه وميسره ...
لم اجدها للحظه ...
بحثت وبحثت وبحثت ....
ووجدتها أخيراً ...
وقالت لي على وجه السرعه :
الله يهديك وانا امك ساعه سافهني في السوق
@@@@@@@@@@@@@@@@@@@@@@@@@@@
أسامي الاخوان والأخوات في الموضوع نزلت من مخي والعذر والسموحه كان احد زعل
وابي ارائكم بالمجلة
عزوز
الإهداءات
مجلة عزوز العدد الاول بقسم الونااسة ابي رايكم هههه
<< اييه شااايــب هههههههه
العرض العادي
