[
[color=#000000]أعيش مع نفسي وحولي ملايين الناس
تضحك تسولف وأنا في عالم ثاني
أذكر الماضي وأبحر في فضاه غطاس
أدور عن خلن تركني وحدي أعاني
خلن عطيته قلبي والمشاعر والاحساس
ومرت الايام وقسى قلبه ونساني
وأجرح خفوقي جرح يفوق كل مقياس
وأبعد الفرح عن دربي وفاضت أشجاني
بلاني حبيبي بهم وسقاني من الكاس
غيروه والطيب شخصه وللوفى عنواني
عفت قربي تقولها على مسمع الناس
ماكفاك اللي سويته في قلبي العشقاني
قلبي اللي ملكته على طبق من ألماس
اللي على حبك دايم الدوم ولهاني
حظي العاثر رماني بدنيا الاتعاس
دنيا الاقنعه والوجوه متلونه بألواني
صدق الطيب ما يثمر ويّه عديم الاحساس
للهوى يبيع ويشتري بازهد الاثماني
بعتني يا صاح والله ظلمك ما ينقاس
وانا اللي رضيت اعيش بسجن وانت سجاني
وانا اللي خليتك على قلبي قفل وحراس
هقيتك تصون العهد وأحيا باماني
هقيتك وفيٍ والوفى في هالدنيا مداس
والهوى سلعة حولك وبكل مكاني
إبتليت بقلب شوقه وحبه ماله أساس
وهذا هو نصيبي والقدر لدربه مشاني[/color
الصمت الدافىء
فرفوووووووووووووووووورة
الإهداءات
عفت قربي
العرض العادي
