فكرنا بالزواج بالحلال من بنت حلال بقية العمر والحب يجمعنا
لنحل مشكلة العشق بالقلب اللي عم تلوعنا وعن الحرام الله يبعدنا
قالوا فتش بمواقع الزواج والحب وبنت الحلال والصدفة تجمعنا
سـجلنا بالمواقع لنبحث عن بنت الحـلال ولبقيـة العمر بتجمعنا
ومن فلانة لعلتانة ومن عيشة لطيشة هذا بالاخـر اللي ناقصنا
وكتبنا المواصفات المطلوبة على أساس نلاقي بنت على طلبنا
المواقــع كثيرة والبنــات فيها من مواصفات كثيـرة منها بتحيـرنا
من البيضة للسمرة ومن الشقرة للحمرة من أي لون على طلبنا
نقينا واخترنا موقع وبنية صافية قررنا على انه لاقي زوجة لحضرتنا
بنت تلعب وبنت تسلى ولموضوع زواجنا مافي حدا منهم يناسبنا
ساعات معها على لت وحكي ولما نوصل لسيرة الزواج بتكهربنا
كلام الحب والعشق صار رخيص اليوم وحاله بينهم مثل بورصتنا
كوكب الشرق غنت للحب والعشق والكل من الشرق للغرب سمعها
الاهات تطلع منها بحرقة القلب تحرق قلوب العشاق وللي سمعها
من سيرة الحب والأطلال ولسه فاكر أغاني عشـقناها وكتبنا منها
اليوم كلام الحب بين ... أيـه و اه ...طاسه ضايعه وعـم ندور بقصتها
وبالأخـر من صبية لصبية بعد ما نراسلها وتراسلنا لقينا طلبنـا
الصدفة بدأت أولها بالاسم لما طابق أول حرف اسمها باسمنا
وكل جملة بدايتها نقطة واسمها دخل بالقلب مباشرة وعشقها
والحظ السـعيد كملها معي ومواصفاتها المطلوبة هي هدفنـا
اجتماعية رومانسية طويلة مؤمنة متواضعة طويلة هي وشعرها
مثقفة متواضعة محبة مرتبة مرحة نشيطة وهي اللي بتناسبنا
والنية صافية والحمد لله والزواج والستر كان هي منها غايتنا
درسها عقلي وقلبي وقرروا نكلمها ونخطبها وبالحلال نتزوجها
وبدأت الجملة بنقطة وبـدأ يدق القلب وبعشق الروح رح يمتلكها
وعشق الروح أسمى من الحب هو بحرك الحب بالقلب ويسحرها
وبدأالصراع بالقلب من قلبي لقلبها بكلام الشعر والحب يغازلها
وبدأت لوعة الحب بقلبي تزيد من السهر والشوق ومن حلاوتها
ويوم بيوم يزيد الحب والعشق فيها وسهر الليالي كتر من أجلها
تركت الشغل وتركت العالم والخلان لعيونها الحلـوة وخاطرها
كل يوم انطر على النت واستنا اسمها عندي لينور وحياتي ينورها
حلفت انه بحبها وبعشقها والقصد خير والله وغير هيك ما بريدها
ما صدقتك يا لطيف وحاجة مبالغة من شان الله كلها منها اسعمتها
حسيت حالي كأني جاي من كوكب غريب كلمتها بلغة ما فهمتها
بعرف انه كلام الصدق أقصر طريق للقلب وغير طريق ما سلكتها
كان كلامي واضح وصريح وما تكلمت غير الأصول بكل كلمة قلتها
طلبتها على سنة الله ورسوله(ص) وأنـا جاهز لزواجها من ساعتها
هي موافقة مترددة مابعرف شو طلبها حتى احصل على موافقتها
وكل ما تتمنى أي بنت بزوجها عندي وزيـادة عنهم إني عشـقتها
غير شي ما بقدر قدم أكتر من روحي وحبي يكونوا تحت خدمتها
كتبت هذا الكلام لريح ذمتي أمام رب العالمين لتقول اني خدعتها
عم استنا الجواب منها حتى ما تنتهي القصة معها بلوعتي ولوعتها
الكلام غير والفعل غير اسألي العشاق عن الفراق والهجر وقسوتها
قلب العاشق يحترق حرق من صدق المشاعر وحزنه لها بفرقتها
دعيت لربي ورح ادعي كمان لو كان فينا خير لبعضنا
الله بالحلال يجمعنا ولا يفرقنا
الإهداءات
بنـت الـحــــلال
العرض العادي
