من غير مقدمـات انا مررره احب الصور ....واستهواني عااااالم الفوتوشوب
طبع لسه مبتدئه مااااأتعلمت الادرس او درسين ...........المهم..
لاقيت ذا الدرس ومرررررره عجبني سهل ومرررره واضح ........
طبعا في كذا طرق لدمج الصور ....الطريقه الي حـتشوفوها....
سهله ونتيجتها حلوه
بسم الله نبدأ
_ عـــــرض الدرس _
************
مثال على الدرس
أدوات الدرس
اليوم سويت لكم درس عن أداة الختم بالفوتوشوب ..
واللي هي هذي ،،
هذي هي الصور اللي بنستخدمها حق التصميم ،،
خطوات التنفيذ
الخطوة الأولى ،،
نتجه إلى
file ---- open
بيظهر لنا هالبوكس
اتجهوا لـ my pictures
واختاروا صورتين ،، صورة للخلفية ،، وصورة تكون الموضوع ،،
أنا اخترت صورة البنت للموضوع ،،
وصورة المنظر الطبيعي للخلفية ،، بنفس الطريقة ،،
الحين نضغط على الخلفية عشان نفعل الصورة ،، ونتجه لبوكس الليرات ،،
نفتح لير جديد بالضغط على المربع (new layer) مثل ما مبين بالصورة ،،
والحين نتجه لأداة الختم ،،
في شريط اختيارات الأداة اللي بيظهر لنا تحت القائمة الرئيسية نضغط على السهم الصغير الموجود على يسار كلمة Brush ونختار الفرشاة الضبابية وقيمتها يفضل تكون 100 ،،
للتوضيح أكثر ،، شوفو الصورة
نتجه لصورة البنت ونضغط عليها عشان نفعلها
(هذي أهم خطوة)
نضغط على الزر (alt) بالكيبورد بشكل متصل ،، وبنفس الوقت نسوي كليك على صورة البنت ،، وأفضل إنكم تسوون كليك بين عيونها ،،
نروح للخلفية ،، ونختار المكان اللي نبي نشوف فيه صورة البنت ،، ونبدأ نظهر الصورة بالـ (left click) من الماوس ــ الفأرة ــ المتواصل بشكل دائري ،، مثل ما تشوفون بالصورة تحت ،،
ويمكن لاحظتو العلامة اللي تظهر على صورة البنت أثناء عملية اظهار صورتها على الخلفية ،،
هالعلامة تبين لنا المكان اللي نظهره ،،
للتوضيح شوفو الصورة اللي تحت ،،
أفضل إنكم ما تظهرون الصورة كلها عشان الحدود ما تبين وتخرب الصورة ،،
وهذي النتيجة اللي بتظهر لنا ،،
الحين تقدرون تتجهون لبوكس الليرات ،، عشان تلعبون بالصورة ،، وأنا بخففها عشان أخليها تندمج مع الخلفية أكثر ونقلل من اللون الأبيض اللي بصورة البنت ،، لان الصورة مب مقصوصة ،، وخففتها لين 60%
وهذي بتكون النتيجة ،،
وكخطوة اختيارية ،، تقدرون تتجهون لأداة تحريك الصورة عشان تحطون صورة البنت بالمكان اللي تبونه ،،
وهذي بتكون النتيجة ،،
طبعا الحين ما بقى إلا أننا نحفظ الصورة ،،
نتجه لـ
file --- save as
بيظهر لنا هالبوكس ،،
نختار الاسم اللي يعجبنا للصورة ،، ونضغط على السهم اللي مبين في الصورة عشان نقدر نحفظه بصيغة jpeg
الحين بعلمكم حركة ثانية تقدرون تسوونها بأداة الختم ،،
نفتح الصورة اللي حفظناها ،،
نكرر نفس الخطوات اللي سويناها فوق ،،
بعيدها للتذكير ،،
نتجه لقائمة الأدوات ونختار أداة الختم ،، من قائمة اختيارات الأداة اللي تظهر تحت القائمة الرئيسية نختار الفرشاة الضبابية بقيمة 100 ،،
نتجه للصورة اللي فتحناها ،، ونضغط على الزر (alt) بالكيبورد بشكل متصل ،، وبنفس الوقت نسوي كليك على صورة البنت (بين عيونها)
ومرة ثانية نفتح لير جديد
ونختار أي مكان بالصورة عشان نظهر فيه عيون البنت ،، وأنا اخترت الزاوية اليسار فوق ،، ونبدأ نظهر الصورة بالـ (left click) المتواصل بشكل دائري ،، مثل ما تشوفون بالصورة تحت ،،
الحين عشان نقدر نلعب بصورة العين اللي ظهرناها قبل شوي ،، نضغط على
ctrl + T من لوحة المفاتيح
وبيظهر هالمربع على عيون البنت ،،
هالمربع يخولنا نلعب بالجزئية ونمطها على كيفنا ،،
وأنا سحبتها من الزاوية شوي ،، ووصلت لهالنتيجة ،،
وعشان تتخلصون من المربع سوو دبل كليك داخله ،، أو اضغطو على Enter من لوحة المفاتيح ..
وكخطوة إضافية اتجهت لبوكس الليرات وخففت الصورة بنسبة 50 % مثل ما بينت لكم في الصورة اللي تحت
ونحفظ الحركة الجديدة مرة ثانية بنفس الطريقة ،،
file --- save as
ويفضل تخزينها بصيغة jpeg
********
طبعا الشرح والتطبيق منقووول
وهذي الصوره الي انااا عملتها حبيت اوريكم هيا...بس ماااكملت بقية الدرس..
الإهداءات
الدمج بأداة الختم.....
العرض العادي
