هذه الابيات كنت قد وعدت صديق عزيز هنا في المنتدى..ان اسند له ابيات ..وشاء الله ان اسندها له في ظروف حصل بها سوء تفاهم..ولكن انا عند ظني به ..انها مجرد سحابة صيف وتمر مرور الكرام..اتمنى ان يقرأ ابياتي
يارفيقي زان فالك ..ليه اسرجت المطيه
وش علينا من سفيه ٍ ..مارعى للطيب راعي
بنشدك دامك تعرفن ..والحميــّا شمريه
لاقصــر شبر الاخوه..سدها بمدة ذرااعي
والسوالف يارفيقي ..عذبها والا الشجيــه
مبعد ٍ عنها وربي ..وشايل العزوه..متاعي
خوف ربي في عيوني..والليالي سرمديه
ومن نوى صلح وموده ..شاكرن له هالمساعي
اسمع اللي قال قافه..مسنده لك ياخويه
القطاعه ياعزيزي مالها بالعرف ..داعي
اطلب آمر من عيوني..والقوافي لك هديه
ولو تبيها..طير..جالك ..والامر كله ..مطاعي
شامخه بالطيب ..بنت ٍ..والطبايع..بدويه
ملحها ..صافي نقاها..كنها بدر ..الشعاعي
ماعسرني كود جاهل..اسرف بقول الخطيه
ومن غلاها صرت اسمع ناعي ٍ بالقلب ناعي
يارفيقي لك مكان ٍ ..زارعه بالجوف فيــّه
قدر غالي لو تشوفه..ماتسممك ..الافاعـــــي
اترك اللي قال فينا ..وازهم النفس الرضيــّه
المشاعر في غيابك..كنها ايتام ٍ جياعي
نوّخ ركابك ..تراني جيت تسبقني..الحميــّه
القوافي هي حلالك ..وشاعرك للقاف راعي
الإهداءات
قصيده خاصه..اسناد الى صديق
العرض العادي
