السلام عليكم مرحبا بنات
هذا شاعر نصراوي يقول قصيده با الهلال
وان شاء الله تعجبكم
[يستاهلون الزرق كاس البطولة
من غيرهم يستاهل الكاس يا ناس
يقولها شاعر للاصفر ميوله
بس الحقيقه واضحة بكل مقياس
هذا الزعيم اليوم مسرج خيوله
عينه على الدوري وفي يدينه الكاس
هذا الفريق اللي تنومس فعوله
خزائنه تحوي الذهب هو والالماس
له صولة في كل ملعب وجوله
الجن الازرق لالعب يطرب الناس
اسمه غدا مشهور في كل دولة
ومن هو يحبه دايم رافع الراس
من قابله قامت تصافق رجوله
وعود وهو مهموم ضايق ومحتاس
حارس اسد ودفاع كله رجوله
وهجوم ناري مرعب كل حراس
و التائب الطارق يا محلى نزوله
لاعب خيالي ما لقينا له اجناس
ومحمد الشلهوب يازين زوله
موهوب فنان كبير و حساس
وقدامهم ياسر إذا مررواله
خلا المقابل يضرب اخماس باسداس
ويديرهم شيخ من اطيب حموله
محمد عريب الاصل والجد والساس
محمد الفيصل عداه شهدوا له
بإنه كريم شهم ساطي قوي باس
ومن خلفهم جمهور تقرع طبوله
تشجيعهم مبني على حق واساس
هذا الهلالي يا عرب صفقواله
يستاهل الامجاد كاس وراكاس
و يبقى النصر حبي وعشق الطفولة
ما ابدله رغم النكايد والا تعاس
لو هو يعيش اليوم اسوا فصوله
ومنهد من عالي مبانيه للساس
عشق النصر يا ناس عندي بطوله
ما همني دوري ولاهمني كاس
الإهداءات
شاعر نصراوي يتغزل باالهلال
العرض العادي
