فجّ الصباح وراح ليل الهواجيس=يالله عساه بقدرتك مايعيدي
ويالله تكفينا شرورِ مداسيس=وتجعل نهار اليوم يومِ سعيدي
كفاني اللي صابني من تواعيس=أسباب حظ ملازمِ لي عنيدي
إن جيت أبسلى وسط زين المجاليس=مابين ربعآ يرفهون النكيدي
ترجع علي هموم قلبي نواكيس=وتوثق بكثر الوساويس قيدي
حتى صواديف الليالي المعاكيس=صفآ بوجهي بابهن من حديدي
وزاد الشقا غروِ عيونه نواعيس=يومِ نظرته سلم القلب ل إيدي
وأقفا إقفايه ماوراها مناكيس=وأخذ معاه أفراح قلبي وعيدي
من بعدها وللنوم عني محاريس=أسامر نجوم الليالي وحيدي
أشرح لها فرقاه شرحِ بتدريس=من عقب ماهو ساكنِ في وريدي
وشلون قفّّا وإستمع للنواجيس=وباع المحبه بالرخيص الزهيدي
خلاني أسهر والقمر ليّه ونيس=أكتب على ضيان نوره قصيدي
أشكي همومي والقلوب الخراميس=وأشكي فراقه يوم روّح بعيدي
لكن على الله والرجاوي قواميس=أرجي رجوعه بالزمان العتيدي
وإن ماحصل لي شوفته يالنواميس=عز الله إني للمحبه شهيدي
الإهداءات
فــج الصـبــــاح
العرض العادي
