العذر والسموحه منكم حبايبي على القطاعه
ولكن تراكم دايم على البال
حبيت أهديكم هذي القصيده للمنتدى ككل
ولأخواني والله وقدرتي تجرحين والاخ سنكرس
وحبيب قلبي رمش العين واقول له مشتاقين لك يالغالي
أخليكم مع القصيده
بعدك انا تعبان بالحيل ياشواق=والجسم والله ياغلا هدَّه الشوق
تعبت أكابر واخفي اللي بالأعماق=وأسجن معاذير الغلا داخل الموق
مرام عيني شوفتك سيد الاخلاق=ياللي جميل اوصافنا منك مخلوق
كل ما غفيت الحزن للروح ينساق=كني فقير الحال لابات مسروق
وكني غريرٍ ماتت امه ولاطاق=بُعد العزيزه خافقه منـه مطروق
أو كني اللي طول ليله على ساق=قلبه غدا برحال الأحباب معلوق
لاشق نور الصبح لديارهم شاق=جاوب بتنهيد الوله كل طاروق
والا غريقٍ طار عقله ولافاق=وكنك لطلاب الهوى ياغضي طوق
الدمع يسري من على الخد حرَّاق=وقلبي على جمر اللظى منك محروق
أنا جروحي منك ماعاد تنطاق=وهمي كبير ٍفايقٍ كـل منطوق
ليتك تحس بحالتي بين الاوراق=أسرد بها الأشعار من حرتي سوق
أبكي على الأطلال واصيح مشتاق=وأضم طيفك من على الصدر برفوق
الإهداءات
الأطلال...}
العرض العادي
