مساء الخير كل ابوكم وكل عام والجميع بخير واعتبروها عن عيد الفطر وعيد الأضحى لأني ان شاء الله بحج هالسنه والحج مافيه نت
انا اتوقع الحين ان زمن مهوب موجود لأنه هالوقت يتابع مسلسل مصري يجي كل سته شهور حلقه لأن المخرج حقه سوداني وقال لك الحين بيخلص المسلسل بسرعه
على طاري المسلسلات المصريه والافلام المصريه ماادري ليه جانا وقت كنا نتابعها وبصراحه ان فيه ناس الى الحين متعلقه فيها
بس المصريين بصراحه ماحولك أحد وتمثيلهم 99% منه فاشل واحد بالميه بعد فاشل
مره كنت جالس انا وواحد من زملائي وكان فيه بالصدفه برنامج عن السينما المصريه وتاريخها وغيره من الامور المرتبطه فيه ،،، وكان اللي يقدم البرنامج يقول (( وكان الفضل في تواجد السينما المصريه للناقد اللبناني جورج ابيض والذي نقل السينما لمصر قبل اكثر من 100 عام )) ومن عقب هالسالفه كل ماشفت انا وخويي لقطه من مسلسل والا فلم وفيها انواع المبالغه قلنا لبعض (( صدق ان جورج ابيض ماسوا فيهم خير ههههههههههههههههه )) .
بقولكم الحين بعض الطلعات اللي مدري وش تبي واللي تدل على ان الفن بجهه والمصريين بجهه ،،، مع ان فاروق الفيشاوي في مقابله معه قبل كم سنه بقناة الاوربت كان يقول ان مابينهم وبين السينما الامريكيه اي فرق الا الامكانيات والا المواهب موجود ،،،،، اقول من شافك انت جماعتك قال الله يرحم المواهب
=============================
أذكر في رمضان كان المصريين يجيبون قصص دينيه وعن غزوات في عهد الرسول عليه الصلاة والسلام ،،، وكانو يكتبون في بداية المسلسل (( قصة وسيناريو وحوار فلان الفلاني )) الحين هذي قصص حاصله فعلاً وتقولون قصة فلان بعد ؟؟
وليتها اي قصص ولكنها قصص عن الرسول عليه الصلاة ولاسلام والصحابه رضي الله عنهم والمصريين عايدي يسمونها قصه
بس الشرهه موب عليهم على جورج أبيض
=============================
مره كنت اتفرج على مسلسل مصري من طقة هالمسلسلات اللي ينسبونها لأنفسهم ،، وكان فيها واحد يعبد صنم وولده اسلم وجاي ينصح ابوه يقول (( أترك عنك عبادة الأصنام يا ابي )) وابوه يقول انقلع بس مالك دخل
المهم ان الولد راح وجاب مرباع او مدري ساطوره ناوي يكسر الصنم اللي يعبده ابوه ،،، وحذره ابوه وقال له (( أنتبه ايها اللعين فإن مس الآلهه اي سوء فسيحدث لك مالا تحمد عقباه )) .
الولد ما عبر بتحذير ابوه واستلم الصنم تكسير وبعد ما كسره التفت على ابوه ورمى الساطوره ورفع يده اليمنى باليسرى وقال (( يا الهي لقد شُلت يدي )).
التفت ابوه وقال له / الم أقل لك ايها اللعين لا تمس الألهه ؟؟
شوي الا الولد يرد وهو يضحك ويقول / اني امزح
هههههههههههههههه أقسم بالله لاعبين بأم التاريخ
===============================
مره كنت اتفرج عن فلم عن الهجره واللي كانت ماجد ممثله فيه حسب مااتذكر مو متأكد ،،، المهم ان فيه واحد منهم يقول (( سوف نذهب إلى يسرب )) اما يسرب ذي مهيب على الخريطه هههههههههههههههه يعني ماكفاهم التحريف في القصص قامو يحرفون في اللهجات
===============================
المصريين مااكتفوا بالكذب والافتراء بالتمثيل وبس ولكن لهم قصص اكبر من كذا
طبعاً انا اتكلم عن فئة من المصريين مو كلهم اكيد .
المهم اذكر ان فيه فلم مصري بس نسيت اسمه وكانت فيه رقاصه وخبيره لها كم سنه وهي رقاصه ،،، ويوم اعتزلت فتحت بالفلوس اللي جمعتها محل ملابس وحطت عنده لوحه مكتوب عليها (( هذا من فضل ربي )) .
لا تعليق
وهذي القصه ذكرها شيخ مصري معروف اسمك (( كشك )) توفي الله يغفر له ،،، المهم انه يقول ان فيه صاحب بار كاتب بوسط البار (( على البيست يا الدشير )) كاتب لوحه كبيره (( رأس الحكمه مخافة الله ))
فماندري هل وصل فيه الاستهزاء لهالدرجه ؟؟
==============================
كان فيه ممثل مصري قديم اسمه ابراهيم الشامي مات من زمان ،،، وكان يمثل بمسلسل ودوره تاجر كبير ،،، وسرقه تاجر ثاني ومات الحرامي هذا ،، عاد ابراهيم الشامي راح يعزي ويقول لزوجة المتوفي : انا اعتقد ان المرحوم مش حيدخل الجنه لأنه حرامي
توك تقول مرحوم من شوي ههههههههههههههههههههه
==============================
خلونا نطلع من هالمواضيع شوي ونجيب طاري تمثيل الهنود والذي لا يقل دلاخة عن سابقيهم
المنسدح يقول انه مره يتفرج على فلم هندي والبنت تحب واحد عميان ،،، وفيه واحد حاول يصادق البنت والظاهر ماعطته وجه شكله ماصل
المهم يوم انها مالتفتت له حاول يضربها وتوه رافع يده ويجي العميان حبيبها ويمسك يده
وشلون شافها الله اعلم
والكذبه الاعظم اني مره اتفرج على فلم هندي وكان واحد راكب حصان ويطارده واحد ثاني راكب حصان مثله وبوم وصل الاول لحافة الجبل ما قدر يسيطر على الحصان ورمى نفسه والحصان طاح في الوادي ،،، تعرفون وش صار للحصان يوم طاح بالوادي ؟؟
7
7
7
7
7
7
7
7
تفجر ههههههههههههههههههههههه
شكله يشرب بنزين موب مويه هههههههههههههههههههههههه
---------------------------------------------
عموماً هذي بعض القصص واللي تدل على تحريف الممثلين المصريين بالتاريخ وحتى التاريخ الاسلامي ماسلم منهم للأسف .
اما قصص الهنود رهيبه لو مايجيك الا الحصان اللي تفجر
الإهداءات
تعالو وشوفو المنسمين المصارية والهنوود هههههههههه
العرض العادي
