تعبت أخط أبيات تفجر بعض الآمي = تعبت أشكي للناس وأبوح لهم وناتي
تعبت سهر الليالي ونزيف أيامي = تعبت أسكب انهار ووديان من دمعاتي
تعبت أواصل رحلتي وسفري الدامي = تعبت من كلمة آه ومن تضميد جراحاتي
تعبت من زيف الخلق في الفعل والكلامي = تعبت ادور منه يطفي جمر معاناتي
ومنه اللي يعيد لي سارق احلامي = منه اللي يشيل عني همي وبلواتي
كنت أحسب الهوى ضي ينور أعوامي = علاج تشفي منه براكين علاتي
كنت احسب الوفى برهان لحب سامي = وزهور صدق صدوق تمحي زلاتي
تعبت وتعب فكري وتاهت فيني أوهامي = وانجلت تعابير الهوى من حياتي
رضيت في دنياي البين وكثر الملامي = رضيت والنفس ماتبي شرب المذلاتي
والوقت جاير يمشي ورا وامشي قدامي = كنه صياد وكني طير مكسور الجناحاتي
عسى ايامي تمضي كهبوب يبعث سلامي= وعسى دمع العين يجفا وتعود مسراتي
وعسى أيامي تضحك وتسقي وريدي الظامي = تعذر عليه الماي من زود الهم والشكاتي
لا تظنو الحياة بكيفي او بكيف الانامي = الحياة مقدره كالنفس نهايتها الفناتي
والحياة في ناظري كنها سلاح لحطامي = حياتي ظلمة تتعثر فوق النيران خطواتي
الحياة ماهي ليل ونهار يا ماخد العلامي = الحياة غصة وهم في جميع الاوقاتي
والفرح في مهجتي تحسرت عليه الايامي = والعز والكرامة في نفسي هم شعاراتي
ما همني ياصاحبي في دنياي الإ شيامي = وما لامني ربعي واهل ديرتي الإ سكاتي
ما فادني طول الكلام او جهل الظلامي = واللي جنيته طعنة من لاجلهم وهبت حياتي
تعبت أسطر حروف تحكي لكم وش علامي = تعبت وجف حبر القلم في وصفه لآهاتي