السلام عليكم
قصيده بقلمي المتواضع أتمنى ان تنال على إعجابكم
ياسيّدي ذاب الفؤاد بحكاويك=همسك قصيده في وريدي تسطّر
إن ضاق بالي يحيي القلب طاريك=كني محل من فوقه الغيم مطّر
من رقتك لو تلمس الورد بيديك=ماعطرك بالعكس هو من تعطّر
وشلون ماحبك وأنا ميتِ فيك=وقلبي عليك من المحبه تفطّر
يانجمةِ بين الكواكب محاريك=خذ راحتك بين الحنايا تمخطر
البيت بيتك والحنايا محانيك=وأنا وشعري والأحاسيس خطّر*
إرقد بمان الله عيوني تراعيك=ولاتشيل هم الحاسد اللي تشطّر
ودمتم سالمين
* خطّر = كلمه شماليه بمعنى ضيوف
الإهداءات
ذاب الـفـــؤاد
